طباعة الاأكياس بديزاين عالي الجودة و الوان واضحة من شركة مهندس منسي
طباعة الاأكياس بديزاين عالي الجودة و الوان واضحة من شركة مهندس منسي
العميل: سلام عليكم، إزيك يا بشمهندس عامل إيه؟
المهندس منسي: الحمد لله
العميل: إيه الأخبار؟
المهندس منسي: الحمد لله إتفضل
العميل: أنا كلمت حضرتك إمبارح معتز الدريني معاك بخصوص طباعة الاأكياس ؟؟؟..
المهندس منسي: آه إزيك يا باشا
العميل: إزيك يا باشا إيه الأخبار؟
المهندس منسي: نحمد ربنا
العميل: الحمد لله على كل حال، هو إنت بقية الأسبوع موجود في باب الشعرية صح؟
المهندس منسي: إن شاء الله
العميل: هو إنت على العموم أنا بعتلك العينات كدة في البريد على العنوان اللي إنت إدتهولي عشان أنا لو مفضتش أجيلك يعني؟
المهندس منسي: عنوان إيه؟
العميل: بعت العينات على العنوان بتاع باب الشعرية
المهندس منسي: ماشي يا باشا
العميل: طيب هو مبدأيًا يا بشمهندس هتتكلف كام لو صنعتها هنا؟
المهندس منسي: هنبص غلى العينات وإن شاء الله اللي فيه الخير هيقدمه ربنا.
العميل: يعني مثلًا في رينج كام؟
المهندس منسي: ماهو أنا عايز أشوف العينات الأول وبعد كدة أقولك الرينج كام
العميل: عايز تشوف من ناحية إيه؟ لو من ناحية المواصفات أنا ممكن أديلك المواصفات اللي حضرتك عايزها.
المهندس منسي: من ناحية الديزاين ومن ناحية الـ..
العميل: الديزاين هيبقى 2 colors يعني لونين
المهندس منسي: آه ماهو لونين ممكن يكونوا أرضيات والأرضيات نقط ولا شبكات ولا إيه؟
العميل: ولا دي بقى معرفش
المهندس منسي: طيب متستعجلش الأمور إن شاء الله خير متقلقش
العميل: طيب بس هو أنا كنت عايز أعملها حسبة كدة معينة
المهندس منسي: ماهو على عيني وعلى راسي بس عملية الإستعجال دي مبتنفعش، فسيب الأمور تاخد وضعها الطبيعي وإن شاء الله اللي فيه الخير يقدمه ربنا.
العميل: طيب ممكن أبعتلك الصور على الواتس مثلًا؟
المهندس منسي: إبعت
العميل: خلاص هبعتهالك على الواتس مفيش مشاكل، حضرتك موجود بكرة هناك في باب الشعرية؟
المهندس منسي: إن شاء الله
العميل: من كام لكام؟
المهندس منسي: من 5لـ11
العميل: طيب مفيش مشكلة وهبعتلك الحاجات بردو على الواتس
المهندس منسي: إن شاء الله
العميل: ماشي يا بشمهندس، شكرًا سلام عليكم
