طباعة أكياس لامينيشن من شركة مهندس منسي
طباعة أكياس لامينيشن من شركة مهندس منسي
المهندس منسى: سلام عليكم .
العميل : و عليكم السلام و رحمة الله و بركاته ، شركة المنسى ؟
المهندس منسي:أيوة .
العميل : لو سمحت عايزة أطبع أكياس لامينيشن ، فكنت عاوزة أتعرف الأسعار ؟
المهندس منسى :أه ، حضرتك شرفينا بالتصميم .
العميل : طب أنا مجهزة التصميم بس لسة معطبعتوش على أكلاشيه .
المهندس منسي:أه ما أنا فاهم ، ما هو إحنا اللى بنعمل الأكلاشيهات ، إحنا بنطبع روتو مش بنطبع فلكس .
العميل :روتو؟
المهندس منسي:أها روتو جرافيك .
العميل : أه .
المهندس منسي:أه روتو جرافيك ، أحدث أنواع الطباعة و أعلى أنواع الطباعة ، فإحنا مبنطبعش أقل من كدا يعنى.
العميل : طب أنا كنت عاوزة أعرف سعر التر يتكلف كام لأكياس السكر .
المهندس منسي:أه ما هو إنت بتقولى السل إحنا مبنطبعش بالسل ، بنطبع بسلندرات .
العميل :سلندرات أه.
المهندس منسي:روتو جرافيك دى أعلى انواع الطباعة فحضرتك تبعتى التصميم و تشوفيلنا الكمية اللى إنتى عاوزاها إيه تقولى الخامة اللى إنتى عاوزاها إيه و إحنا نقولك .
العميل :الخامة اللى أنا عاوزاها حضرتك عارف أكياس اللامينيشن .
المهندس منسي:أه .
العميل :كنت عاوزة أشتغل 75كيلو فى الأول أجرب بيهم بس .
المهندس منسي:طب إبعتلى لينا على الإيميل ، أقل كمية 250كيلو .
العميل :طب مينفعش طيب 100 كيلو حتى .
المهندس منسي:هو إنتى تقريبا متعرفيش يعنى إيه روتو ؟
العميل :لا أنا معرفش الصراحة .
المهندس منسي:الروتو أقل حاجة فيها 2 طن، فإحنا لما قدمنا لك ربع طن ، إحنا كدا قدمنا فايدة كبيرة أوى، فكل اللى عليكى إسألى يعنى إيه روتو .
العميل : أه .
المهندس منسي:هتلاقى كل الشغل الهاى لوكس معمول روتو ، اللى بعديه فلكسو ده الشعبى و بيقلد اللوكس .
العميل :طب أنا هسأل على الروتو ده ، بس عايزة أعرف الأسعار علشان أعرف هشتغل إزاى ؟
المهندس منسي: حضرتك تقريبا مفهمتينيش ، هو أقل حاجة فى الروتو 2 طن ، فإحنا لما عملنا ربع طن فإحنا خدمناكى و خدمنا الشعب المصرى خدمة كبيرة أوى .
العميل :أه .
المهندس منسي:فأنا مش هقدر أديلك سعر غير لما اعرف الخامة اللى إنتى عايزاها إيه مش كلمة لامينيشن دى تكفى ، يعنى الثيكنس إيه ، و عرض الطباعة إيه و الكمية اللى طالباها إيه ، و أقل كمية فى الروتو ربع طن ، دى كمية مش هتلاقيها فى العالم .
العميل :تمام .
المهندس منسي:فحضرتك يا تشرفينا بالزيارة يا تبعتى لينا على الإيميل .
العميل :تمام ماشى ، شكرا .
المهندس منسي:مع السلامة .
