خامات أكياس مطبوعة من شركة مهندس منسي
خامات أكياس مطبوعة من شركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: حضرتك الباش مهندس منسي
المهندس منسي أيوه
العميل: أنا كنت جايب رقم حضرتك عشان طباعة خامات الروتو
المهندس منسي: آه
كنت عايز أعرف هل متاح إن أنا أطبع على خامات زي بتاعت الروتو ديت بس كميات صغيرة ولا لأ؟
المهندس منسي: أقل كمية ربع طن
العميل: مافيش أي حتى لو هطبع حاجة تانية غير الروتو على الخامات دي، يعني الخامات دي ما تقبلش طباعة تانية؟
المهندس منسي: أنا بالنسبة لي ما بطبعش غير روتو، دي أجود أنواع الطباعة وأنا مش عايز أنزل بنفسي
العميل: آه.. أنا فاهم، أنا بس عايزها كعينات، أنا عايز أجرب عايزين نجرب خامات.. يعني لسه مش برودكشن يعني
المهندس منسي: آه هوه أقل كمية عندنا ربع طن
العميل: طب دي بتبقى ممكن 4 ديزاين مختلفة يطبعوا على الربع طن عادي
المهندس منسي: هوه عرض السلندر عندنا 50 سم
العميل: آه تمام… طب تقريباً الربع طن دول يتكلفوا أد إيه؟
المهندس منسي: ابعت طلب استفسار للناس في الشركة وهمه هيردوا عليك
العميل: آه.. آه… الشركة دي رقمها رقم أرضي كده
المهندس منسي: لا عادي ابعتلهم على الميل
العميل: أصل أنا مش عارف الميل، أنا لقيت رقم فاكس ورقم أرضي ورقم موبايل بس
المهندس منسي: آه.. هبعتهولك في رسالة حالاً، أو شرفنا بالزيارة
العميل: هوه مكان حضرتك فين؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: آه.. تمام.. طيب خلاص ماشي، لو كده أكلم حضرتك بحيث أسأل على العنوان بالضبط أو أبعت أو أشوف الإيميل لو لقيته
المهندس منسي: إن شاء الله
العميل: خلاص أوكيه، مع السلامة
