بي في سي بلاستيك لتغليف الستائر من شركة مهندس منسي
بي في سي بلاستيك لتغليف الستائر من شركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة شرينك إم تو باك
المهندس منسي: إن شاء الله
العميل: كنت محتاج أصنع بي في سي بلاستيك يعتبر تغليف لستارة جاهزة، هوه مكتوب هنا إنه مفتوح من الجنبين هوه ده اللي أنا عايزه
المهندس منسي: موجود آه
العميل: طيب موجود مقاسات أد إيه ولا المقاسات اللي أنا عايزها؟
المهندس منسي: حضرتك اللي بتقول عليه إحنا بنفذه
العميل: طيب هوه حضرتك بتحاسب إزاي؟
بالمتر ولا بالكيلو؟
المهندس منسي: بالكيلو
العميل: الكيلو بكام؟
المهندس منسي: هوه الكيلو بيتحدد بناء على الحاجة اللي حضرتك عايزها، زي إيه؟؟؟ زي الكمية المطلوبة أد إيه؟ السكنس أد إيه؟ العرض… كده يعني الحاجات دي هي اللي بتحدد سعر الكيلو
طب لو أنا عملت مع حضرتك مثلاً جيت لحد حضرتك وقعدت مع حضرتك واتفقنا على كل المواصفات، إنتاجية حضرتك تبقى بعد أد إيه؟
المهندس منسي: البضاعة حاضرة، الغالبية بضاعة حاضرة
العميل: لا الأيام حضرتك، أنا مثلاً لو أنا مثلاً اتفقت مع حضرتك هتنتجلي الكمية بعد أد إيه؟
المهندس منسي: ما هو أنا بقول لحضرتك ممكن تكون البضاعة حاضرة
العميل: آه البضاعة حاضرة تمام…
المهندس منسي: آه ممكن.. ممكن تكون بضاعة حاضرة، والغالبية هتكون بضاعة حاضرة
العميل: حضرتك الرقم ده عليه واتس آب؟
المهندس منسي: عليه آه
العميل: أبعت لحضرتك التفاصيل بتاعته وأبعتهولك على الواتس آب وأستنى منك تليفون؟
المهندس منسي: والله يستحسن لو حضرتك شرفتنا بالزيارة شفت الحاجة على الطبيعة
العميل: طيب حضرتك فين عشان أنا جاي… اتفضل
إحنا عندنا حدائق القبة، مدينة نصر، باب الشعرية، 6 أكتوبر
العميل: طيب فين في حدائق القبة
المهندس منسي: هبعتلك الداتا دلوقتي حالاً، هبعتلك التليفونات بتاعته في رسالة حالاً
العميل: خلاص براحتك، تحت أمرك، أنا منتظر من حضرتك رسالة، حضرتك متواجد بكرة؟
المهندس منسي: ما هو مش أنا اللي موجود هناك، أنا الاستشاري بتاع الشركة، اللي موجود هناك المهندس أحمد
العميل: طيب لغاية الساعة كام؟ ممكن نعدي عليه النهاردة مافيش مشكلة؟
المهندس منسي: لغاية الساعة 9
العميل: خلاص ممكن حضرتك نعدي عليه النهاردة، ابعتلي العنوان وأنا هعدي عليه النهاردة
المهندس منسي: ماشي يا غالي
العميل: ماشي هطلع عليه، ابعتلي العنوان وأنا هروحله النهاردة إن شاء الله
المهندس منسي: إن شاء الله
العميل: ماشي يا باشا، شكراً
