تغليف الكب و الحلويات بخامات من شركة مهندس منسي

تغليف الكب و الحلويات بخامات من شركة مهندس منسي

المهندس منسي: السلام عليكم

مدحت: وعليكم السلام ورحمة الله وبركاته يا باشمهندس

المهندس منسي: أهلا بيك

مدحت: أهلا بحضرتك ايه يا فندم خلصت ال coast بتاع الفرن

المهندس منسي: ها

مدحت: خلصت حضرتك بتاع ال coast بتاع الوحدة اللي هتتحط في الفرن الفيلينج

المهندس منسي: Coast  ايه

مدحت: حضرتك أنا مدحت مدحت control coast بتاع شركة نولا اللي كلمت حضرتك تعمل فيلينج بلاستيك للكب كيك

المهندس منسي: اه اه أهلا وسهلا لسه لسه واصل حالا أهو هحسبها لحضرتك وأبلغك حاضر

مدحت: ماشي حمد لله على السلامة يا فندم

المهندس منسي: ماشي

مدحت: ماشي يا باشا

المهندس منسي: أنا شايف ان حضرتك عاملها ورق

مدحت: اه ما هي الورق دي كانت بتتعمل في البوكس كانت الشركة بتبعتها كده من غير أي بوكس من غير أي حاجة بس الورق مش مرضي حضرتك مع الحجز انت لو شفت في الفيديو هتلاقي واحدة ميلت تمام

المهندس منسي: اه

مدحت: فأنا عايز ألغي الورق ده خالص

المهندس منسي: هي الورق لا يقارن بالبلاستيك الورق سعره رخيص جدا عن البلاستيك يعني مثلا لما تيجي تقول الورق الكيلو مثلا هتلاقي الكيلو في الورق ب 7 جنيه والكيلو في البلاستيك ب 28 يعني هتلاقي 4 أضعاف الورق

مدحت:  4 أضعاف الحقيقة مكنش بيحاسبني عليه هو كان داخل ضمن

المهندس منسي: اه اه من ضمن الكرتونة فكان بيقولك البوكس كله كذا

مدحت: اه اه

المهندس منسي: فلما تيجي تقوله البوكس مينس الورق بكام يقولك يعني مش فارقة كتير ده حتة ورقة كنت بعملها

مدحت: اه ههههههههه كانت بتتقال كده فعلا تمام

المهندس منسي: امم

مدحت: فأنا الورق ده هيتشال خالص وهيتعمل بس اللي هو مكان 4 بلاستيك وهتبقى على قد الكب كده بالظبط يعني مش هيبقى في فاصل في الجناب مش هيبقى بردو موجود خالص

المهندس منسي: اه

مدحت: هي بس هتبقى نازلة هتبقى الارتفاع مثلا لو ارتفاع البوكس 8.5 ممكن نخليها 6

المهندس منسي: اه

مدحت: الارتفاع اللي فوق بحيث انه هو بردو يعرف يمسكها ويطلعها من ال من مكانها

المهندس منسي: اه

مدحت: وبردو أنا ممكن أبعت أشوف لحضرتك بردو فيديو ان هو مثلا حاجة بلاستيك أو حاجة عملوها قبل كده بس مشتغلوش بيها فالفكرة رجعت تاني وعايزين يشتغلو بيها

المهندس منسي: ماشي

مدحت: تمام

المهندس منسي: ماشي يا بيه

مدحت: وحضرتك بردو خلي بالك أنا عندي 10 فروع في القاهرة وبايع بردو برانشيت الاسم بتاع الشركة بتاعتي في طنطا وفي المنصورة وفي اسكندرية وفي في الاسماعيلية بردو في فرع دول هيفتحوا ان شاء الله الشهر الجاي دول برانشيت اللي معايا اسكندرية بس دلوقتي غير ان انا عندي في الزمالك وفي المعادي وفي الكرمة فأنا conception بتاعي هيبقى عالي ان شاء الله يعني 3000 دول هيبقوا مبدأيا وهيبقى كل شهر

المهندس منسي: ان شاء الله

مدحت: ان شاء الله وبعدين مش هشتغل مع حضرتك بردو على نوع واحد بس أنا لسه هبعت لحضرتك بردو بقيت البوكسات بقى بس ان شاء الله هتبقى عينات بقى حقيقية وأبقى آجي لحضرتك ونتفق بقى عليها كلها مرة واحدة ان شء الله تعملي عينات وأبقى آخدها وأروح بردو لصاحب الشركة واتفق معاك بقى العينات وكل البوكسات وأنا حضرتك بشتغل في البلاستيك اللي هو المقوى يعني الجامد مثلا لو عايز أعمل

المهندس منسي: اه ما هو plastic thickness يعني thickness يعني ازاي السماكة بتاعته بنعمل الأول 200 ميكرون ، 250، 300، 400، يعني أنا عاملك سعر مثلا ال 200 ميكرون واخد بالك

مدحت: اه

المهندس منسي: فلو معجبكش مثلا لو لقيته ضعيف انت شوفت شريط  البرشام

مدحت: اه شريط

المهندس منسي: ده 200 ميكرون

مدحت: تمام أنا ميهمنيش أنه هو يبقى تخين ولا سمك أوي المهم ان هو لما يتحط في البوكس يبقى الكب كيك

المهندس منسي: نجرب مع بعض متقلقش

مدحت: تمام حضرتك وبردو أنا عايز بردو أعمل مع حضرتك حاجة بردو نفس القصة كده هيبقى كب كيك بس بقى ميني حاجات صغيرة كده بس أنا عايزه بقى البلاستيك يكون ناشف شوية لو حضرتك عندك بردو الموضوع ده

المهندس منسي: ان شاء الله

مدحت: بردو هنعمله مع حضرتك

المهندس منسي: كل أنواع البلاستيكات عندي

مدحت: خلاص تمام ان شاء الله يبقى لنا شغل كتير مع حضرتك يعني وممكن ناخد مكنة هههههه يعني

المهندس منسي: لا تحت أمرك عادي أنا برجحلك تاخد مكنة

مدحت: ما هو ان شاء الله بقى دي هنعملها دراسة بردو علشان بردو لما أتكلم مع صاحب الشغل مش هقوله احنا نشتري مكنة وخلاص المفروض بردو ان انا أدخل بورق وأقوله هتكلف كذا وهندفع كذا و الماتيريال هتيجي بكذا واللي بيجبها موجود كذا كده يعني هيبقى في أصل المكنة هي مطروحة ان احنا نجيبها بس ان احنا بردو نشوف التكلفة بتاعتها ايه في الوقت الحالي طيب احنا التمويل بتاعنا جاهز ال كده يعني ان شاء الله لما آجي أقعد مع حضرتك نتكلم بردو في الموضوع ده

المهندس منسي: ان شاء الله

مدحت: ان شاء الله بس حضرتك بس ظبطلي اللي هو أول حاجة بتاع الوحدة وإن شاء الله لما نتفق هاجي أقعد مع حضرتك وهجيب عينات كتيرة وهتكلم مع حضرتك في الشغل شغل كتير ان شاء الله زي ما بقولك يعني احنا شركة بتكبر احنا 10 فروع وفي 4 على آخر الشهر هيتفتحوا كمان هيبقوا 14 فرع فإن شاء الله هيكون في شغل كتير مع حضرتك

المهندس منسي: أنا تحت أمرك

مدحت: ربنا يعزك يا باشا ماشي يا باشا هستنى من حضرتك بقى

المهندس منسي: ماشي يا باشا

مدحت: ماشي يا باشا اتفضل