تصنيع عبوات البخاخة الرشاش 50 ملي من شركة مهندس منسي
تصنيع عبوات البخاخة الرشاش 50 ملي من شركة مهندس منسي
العميل: ألو سلام عليكم ألو
مهندس منسي: أيوة سلام عليكم
العميل: سلام عليكم
مهندس منسي: ورحمة الله وبركاته
العميل: انتو المنسي مش كدة
مهند منسي: اه
العميل: معلش كنت عايز اسأل على أسعار حاجات مش عارف هي عندكو ولا لأ والأسعار أقول النمرة ولا ايه
مهندس منسي: لا اتفضل
العميل: العلب اللي هي البخاخة الرشاش 50 ملي دي بكم
مهندس منسي: هو إحنا بنصنع العبوات بالطلب
العميل: اه
مهندس منسي: حسب طلب العميل
العميل: تمام زي الفل
مهندس منسي: يعني حضرتك بتجيبلنا العبوة بنصنع عليها
العميل: زي الفل طيب التغليف بتاعها عند سيادتك برده
مهندس منسي: عندنا اه
العميل: طيب ممكن أعرف متوسط سعر الحاجات دي أد إيه كدة مثلا أنا عارف إن هي صعبة يعني المتوسط
مهندس منسي: سعرالاسطمبة وسعر العبوات وهي فاضية الكيلو بيعمل 35 جنيه
العميل: الكيلو 35 جنيه على حسب بأه الشكل اللي أنا عايزه مش كدة
مهندس منسي: إن شاء الله
العميل: طب معلش أنا آسفمعلش هطول عليك طب هو الكيلو بيعملو حوالي كم عبوة مثلا
مهندس منسي: بتوزن حضرتك العبوة اللي انت عايزها على ميزان لوهرجي بتعرف الكيلو في أد إيه
العميل: تمام والاسطمبة بتتحط أنا مش هطبع على االبلاستيك أنا هاعمل زي البلاستيك يتغلف بيه بالعلبة
مهندس منسي: اه عندنا برده
العميل: موجود عند سيادتك
مهندس منسي: اه
العميل: طب خلاص تمام كدة معلش أصل أنا أول مرة اسأل على حاجة زي كدة حاجة زي كدة مثلا متوسط بتاعها أد إيه العلبة بتقعد بكم 3/4/5 جنيه
مهندس منسي: أنا مش هقدر اتكهن العبوة بتقعد أد إيه
العميل: قدامك في السوق يعني حاجة متوسطة بص لا هي رفيعة تعبانة ولا هي
مهندس منسي: في حدودربع جنيه 35 قرش
العميل: العلبة في حدود ربع جنيه
مهندس منسي: اه في الحدود دي
العميل: طيب خلاص أنا أشكرك جدا يا فندم
مهندس منسي: مع السلامة
العميل: ممتن جدا شكرا ليك
