أفضل خامات الميتاليز من شركة مهندس منسي
أفضل خامات الميتاليز من شركة مهندس منسي
العميل: سلام عليكم ألو سلام عليكم
المهندس منسي: سلام ورحمة الله وبركاته
العميل: شركة المهندس منسي
المهندس منسي: أم توباك
العميل: والله أنا شفت عالنت عندكم رولات باتيوم واخدة متليز
المهندس منسي:رولات باتيوم واخدة متليز آه
العميل: يعني فضي أو ذهبي
المهندس منسي: آه عندنا آه
العميل: طيب كم ميكرون وعرض الروله كام
المهندس منسي: أنت اللي بتقول عايز كام ميكرو
العميل: يعني 100ميكرون مثلا موجود
المهندس منسي: الحاجات دي أنت اللي بتقولها مش إحنا اللي نقول يعني بتقول أنا عاوز كذا كذا كذا وإحنا نعملك اللي أنت عيزه
العميل: حضرتك ممكن تصنعه
المهندس منسي: ما إحنا بنصنعه
العميل: جميل جميل جميل أنا أول مرة أعرف أن أنت بتصنع في مصر دي حاجة جميلة جدا طيب الطن بكام يا فندم وأقل أوردر أعمله قد إيه
المهندس منسي: حسب الكمية اللي أنت عيزها أنت عايز كمية قد إيه
العميل: يمكن ممكن أخد طب كام يعني مثلا أديني شرايح للأوردر
المهندس منسي: بيتحدد بناء على الكمية يعني مثلا كمية الربع طن غير كمية الطن غير كمية الخمسة طن
العميل: لو خمسة طن لو أنا خدت أكبر شريحة فيها خصم قد إيه فيها خمسة طن
المهندس منسي: أكتب عالنت لو أنت عاوز تقرأ معلومات أكتب عالنت طباعة أكياس المهندس منسي
العميل: طيب أنا بشتغل بالبي بي سي أو الفاكيوم ده بعمله آيات قرآنية ذهبي وفضي يمكن أنت شفتها عندك في القاهرة
المهندس منسي: آه
العميل: اللي هي في البراويز دي إحنا بنجيبه من الصين ده فلو لقيته هنا في مصر يبقي أفضلنا جدا ممكن أخد منك 5طن عشرة طن طالما أنت ممكن تعمله بالمقياس اللي أنا عوزه
المهندس منسي: إن شاء الله أكيد آه أكيد
العميل: مش كده طيب ممكن يكون كام
المهندس منسي: يبقي 5حوالي دولار للطن
العميل: كثير جدا ده الصين كده أرخص بكتير
المهندس منسي: طيب ما عقبال ما تشحنها وتجبها والوضع هيختلف
العميل: طيب ماشي ما هي مش هتوقف عليا ب 20ألف جنيه مصري
المهندس منسي: الطن
العميل: الطن يعني الطن
المهندس منسي: آه يبقي أنت بتتكلم في خامة وأنا بتكلم في خامة تانية استأذنك بس تبعت لنا صور للحاجة اللي أنت عيزها أو ابعت لي عينة وأنا أقولك دي وضعها إيه
العميل: ما أنا كنت عاوز أجيلك القاهرة أتكلم معاك
المهندس منسي: أنت تيجي تنورني في أي وقت
العميل: أنا عايز بي بي سي ريجت فيلم باتن عني حاجات للتعبئة والتغليف اللي بيتعمل منها علب البيض
المهندس منسي: أنت لما تيجي تقارني تقارني بالصين في قلب الصين هو الحاجة جت من الصين طايرة ما هي اتشحنت واتحط عليها جمارك والحاجات دي كلها مش ببلاش
العميل: أيوه هو على أرضه هناك الخامة الفرجين ب1900دولار للطن والخامة الريسكيل ب1450
المهندس منسي: أنا بتكلم طالما أن أنا بكلم لازم حضرتك تسمعني لغاية ما أخلص كلام
العميل: أتفضل يا فندم أنا بسمعك أتفضل يا فندم
المهندس منسي: فهو دلوقت الحاجة جاية من الصين طايرة في شحن وجمارك ومش عارفين البضاعة دي هتتباع ولا مش هتتباع وكل شويه الحكومة عمالة تضيق علينا ومش لاقين دولار ومش لاقين ومش لاقين حاجات كتيرة جدا بتطلع عينا ده رقم واحد رقم اثنين الخامات اللي عندنا كلها أوروبي جاية من ألمانيا وإيطاليا فهتلاقي البريد بتاعها عالي أوي
العميل: طيب جميل هقول لسياتك بس عشان أنا في وسط سوق وليه منافسين فمش هعرف أخد بسعر غالي فأنا ممكن نوصل لحل وسط مع حضرتك أنا ممكن أجيب الخامة الشفافة اللي هي الصيني وحضرتك تدهاني متليز عندك
المهندس منسي: قصدك نلنشنها عندك
العميل: أيوه اللي هي المتليز معرفش يعني اسمها إيه نلنشنها ماشي
المهندس منسي: اعتقد أن حاجة اسمها استكات أوربي فحضرتك بس ابعت لنا عينة وإن شاء الله نشوف
العميل: يعني برده عندك الاستكات بتيجي من أوروبا برده
المهندس منسي: آه آه
العميل: أنا كان نفسي أجي أقبلك مهو مش هينفع التليفون أنا بتكلم في كمية تعتبر كويسة
المهندس منسي: متقلقش أنت بمجرد ما هتدلهم العينة متقلقش خالص يعني هتلاقي في فريق مبيعات زي الفل
العميل: وممكن يديني سعر كمان قريب من الصين
المهندس منسي: إن شاء الله
العميل: طيب أجي لسيدتك أمته أنا من طنطا يا فندم أنا من طنطا
المهندس منسي:أهلا بيك إحنا موجدين دايما من 11-9
العميل: من 11-9 ل9مساءا آه ما شاء الله كده حوالي 10ساعات كده كويس أوي في 6أكتوبر
المهندس منسي: لا في القاهرة أنت عاوز تروح 6أكتوبر
العميل: لا أنا عايز أجي لمكتب الإدارة اللي هتفق معاه
المهندس منسي: كله زي بعضه أكتوبر زي العبور كله زي بعضه
العميل: أنا عايز أقابلك أنت
المهندس منسي: أنا باجي من 5-11
العميل: مش مشكلة أضبط نفسي على الميعاد اللي حضرتك بتبقي موجود فيه
المهندس منسي: ماشي أنا موجود دايما من 5-11 ماعدا يوم السبت ببقي موجود في فرع مدينة نصر
العميل: فرع إيه
المهندس منسي: في الفرع بتاع مدينة نصر
العميل: مدينة نصر يعني أنا أجي مدينة نصر ناحية عباس العقاد
المهندس منسي: ده يوم واحد بس اللي بيبقي في مدينة نصر بقية أيام الأسبوع ببقي في باب الشعرية
العميل: طيب ماشي أنا سهل باب الشعرية سهل جدا جنب الرويعي
المهندس منسي: هبعتلك العنوان في رسالة حالا أهو
العميل: ماشي متشكرين يا فندم جدا
