مكنة لحام الطبات الألومنيوم موديل 201 ماركة مهندس منسي
مكنة لحام الطبات الألومنيوم موديل 201 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | عايز أسأل على مكنة لحام الطبات الألومنيوم اللي هي موديل إم تو باك 201 |
| المهندس منسي | : | موجودة آه |
| العميل | : | عامله كام يا باشا؟ |
| المهندس منسي | : | هو في حاجة بـ ، وفي حاجة بـ ، إحنا بنسمي بالدولار عشان نضمن ثبات الأسعار إنما بناخد بالجنيه المصري |
| العميل | : | أم دي نظامها إيه؟ |
| المهندس منسي | : | أم حاجة اسمها زمن التعرض لغاية 3، يعني تشتغل معاك عادي مافيش مشكلة، وأم عشان فيها حاجة اسمها اندكشن غير مباشر، هو يستحسن لو حضرتك جيت شرفتنا بالزيارة تتفرج عليهم على الطبيعة |
| العميل | : | المشكلة إن أنا في الشرقية، أنا ممكن لو عجبني أنا ليا ناس صحابي شغالين في باب الشعرية عندكم، لو كده أديله الفلوس وهو يجيبها |
| المهندس منسي | : | الـ 2 شغالين زي الفل مافيش مشكلة فيهم |
| العميل | : | |
| المهندس منسي | : | آه يعني 2700 جنيه |
| العميل | : | طب لو فيها حاجة |
| المهندس منسي | : | يا باشا إحنا ماركة عالمية |
| العميل | : | يا باشا أنا عارف، أنا عارف إنها إن شاء الله هتبقى 100%، لكن لا قدر الله فيها حاجة لها ضمان؟ لها رجوع |
| المهندس منسي | : | إنت تعرف شركة المهندس منسي كويس ولا ما تعرفهاش |
| العميل | : | والله أنا أسمع عن شركة المهندس، أنا لسه جديد في السوق، فقلت بدل ما أسأل هنا ولا هنا أخش على النت الناس بتبقى كاتبة بيانات ومعلومات وتليفوناتها صح أكيد يعني السمعة بتاعتها معدية، أنا أعرف شركة المهندس بتاعت الكحولات والحاجات دي |
| المهندس منسي | : | إحنا شركة المهندس منسي، إحنا شركة عالمية لينا فروع بره ومنافسين عالميين مش مصريين وبس |
| العميل | : | ربنا يزيدكم ويوسع عليكم يا رب |
| المهندس منسي | : | وعندنا كمان الطبات لو احتاجت طبات، وعندنا كمان الأكياس الألومنيا لو احتجت |
| العميل | : | طب الأكياس الألومنيا اللي بتاخد نص كيلو وكيلو أسعارها كام؟ |
| المهندس منسي | : | موجودة بس دي لازم حضرتك تيجي تشرفنا بالزيارة تختار الكيس اللي يعجبك بناء عليه نقولك سعره كام، وكمان الخامات بتاعت الأاكياس الألومنيوم لو احتاجتها من غير تفصيل وبنعرفك إزاي تفصلها إنت وتخليها أكياس |
| العميل | : | أنا كنت شغال مع واحد قبل كده كان بيديني فروخ كده وكنت بطبقها وأعملها أكياس، طب في مكن لحام أكياس، اللي هي بسيرين دي |
| المهندس منسي | : | آه عندنا موجودة بضاعة حاضرة، سعرها |
| العميل | : | مافيش أقل من كده |
| المهندس منسي | : | ما هو أنا بقولك إحنا ماركة وبراند عالمي |
| العميل | : | طب حضرتك المكان فين؟ أنا إن شاء الله هحاول أجيلك في يوم أكون أنا مأجز من الشغل، بس أنا ممكن أخلي أخوي ولا حد موجود عندك إن شاء الله بكرة ولا بعده يعدي ياخد أم ، هي لما تيجي تلحم العبوة مش بتصفر في الآخر؟ |
| المهندس منسي | : | آه بتصفر آه |
| العميل | : | طب العنوان عند حضرتك |
| المهندس منسي | : | ولو ما بتصفرش نركب لها صفارة |
| العميل | : | ماشي يا هندسة |
| المهندس منسي | : | أول من ابتكر الإندكشن سيل في جمهورية مصر العربية |
| العميل | : | ربنا يزيدكم ده فخر لينا إن حد من مصر يكون من الأوائل يعني |
| المهندس منسي | : | ربنا يبارك لك، إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | نفس في العبور؟ |
| المهندس منسي | : | كله كله زي بعضه |
| العميل | : | طب اديني عنوان العبور |
| المهندس منسي | : | هبعت رابط هتلاقي فيه العناوين كلها |
| العميل | : | مينفعش تديني رقم اكلمه احسن |
| المهندس منسي | : | طب خد رقم العبور عندك مستر منذر أبو يزن ده اللي ماسك فرع العبور |
| العميل | : | طب تعرف توصفلي عشان أقول للسواق فين؟ |
| المهندس منسي | : | جنب الشباب اسمه مجمع الأمل الصناعي |
| العميل | : | ماشي، يا هندسة متشكرين قوي ومعرفة حلوة وإن شاء الله أتشرف بزيارة عندكم |
| المهندس منسي | : | آه تعالى إنت زيارتك هتنبصت منها قوي |
| العميل | : | أنا لسه ببدأ يا هندسة وبقول يا رب، ادعيلي كده ربنا يفرجها ويوسع علينا |
| المهندس منسي | : | لا ربنا يبارك لك يا رب |
| العميل | : | ماشي يا هندسة السلام عليكم |
| المهندس منسي | : | عليكم السلام ورحمة الله وبركاته |
