أفضل خامات الالمنيوم فويل بمواصفات عالمية من شركة مهندس منسي

أفضل خامات الالمنيوم فويل بمواصفات عالمية من شركة مهندس منسي

العميل : السلام عليكم معك محمد إبراهيم من السعودية

مصنع المهندس منسي

Width: 30 cm 46 cm

Material (alloy): 3003, 8011

temper:H22 H24 H26 H18 or O

widely used in household, kitchen, food package and so on.

العميل : محتاج المواد دي عند حضرتك منها

العميل : سماكة الرول 65 ميكرون

المهندس منسي : هو حضرتك مشكوراً بعت المواصفات وما بعتش الخامة نفسها إيه؟؟ يعني هل هي ألومنيوم فويل؟ ولو ألومنيوم فويل، يعني فيما أعتقد المواصفات ديت أغلبها للألومنيوم فويل، وبعدين بتقول إن الويدث من 30-45، يعني مش شايف إن من 30-45 ده كتير قوي؟؟!!!! يعني من 30 سم إلى 45 سم، يعني حضرتك عايز أنهي عرض فيهم؟؟ 30، ولا 32 ، ولا 33… لغاية 45؟؟!!!!!!!

المهندس منسي : هو العرض دايماً بيبقى موحد، مش اللي هو من ـ إلى، يعني حتى كان عندنا في الأفلام يقولوا لك: بين البنين، ما هو بين البنين يعني إيه؟؟ ما هو لون رمادي، أنا عايز حاجة محددة بعد إذنك، هي في حاجة اسمها ألوميك 89 دي أفضل أنواع الألومنيات في العالم، فياريت تبعتلي بيانات تفصيلية أكثر تساعدني أصله مش امتحان، يا ريت تبعتلي بيانات تفصيلية أكتر تساعدني في الطلب بتاعك

العميل : السلام عليكم يا هندسة أخبار حضرتك عامل إيه؟

العميل : يا سعادة الباشا أنا عايز رولين، واحد 30 سم، ده اللي بيطلع منه عندي الطبق الكبير، والـ 46 ده اللي بيطلع منه الطبقين الصغيرين، واخد بال حضرتك، أنا عايز العرضين، عايز 30 وعايز الـ 46 سم، سماكة 65 أو 57 مافيش مشكلة، واخد بال حضرتك

العميل : موضوع بقى ده مواصفات سعودية مش هنقدر نخالفها طبعاً إنت عارف هيئة الغذاء والدواء هنا معذبانا عذاب أليم، والبلديات شاده في الموضوع ده، المواصفات ديت لازم تكون موجودة، في حاجة أقل وتمشي ادينا سعر دي، وادينا سعر دي مافيش مشكلة، دي كلها أمور بسيطة، فشوف حضرتك إيه الترتيبات الطن سعره إيه عند حضرتك؟ أو تبعتلي عرض سعر، أديلك الإيميل تبعتلي عرض سعر عليه تكون مشكور، وإن شاء الله أخلي السعودي ينزلك لو الأمور ضبطت معانا والأسعار كويسة أخليه ينزلك بإذن الله تعالى

المهندس منسي : هو للأسف الألومنيا اللي هي بتصنع أطباق الفويل دي مش موجودة عندنا، إحنا بنشتغل في الألومنيا الخاصة

المهندس منسي : الألومنيا اللي عندنا ألومنيا خاصة بالتطبيقات الصناعية، اللي الألومنيا اللي بتلحم على أغطية العبوات، ألومنيوم الغطيان، ورق الألومنيا اللي هو بيبقى على الطبق دوت في ورق ألومنيا، في قطعة ألومنيا كده، ألومنيا الكبسول، ألومنيا الأدوية البيطرية، ألومنيا الأسمدة، إنما…

العميل : واصلة يا هندسة المعلومة، تسلم لي ربنا يخليك، طب حضرتك ما تعرفش أي حد في مصر، لأنه من الصين بصراحة تاعبينا جداً بتوع الصين، فلو عندك حد في مصر معرفة حبيبك يشتغل معانا كتر خيرك، لو مافيش مش عايز أتعب حضرتك معانا برده، تسلم لي ألف شكر لحضرتك

المهندس منسي : هو إحنا ممكن نديلك بس ستوكات، ستوكات يعني إيه؟؟ يعني خامات ألماني وهولندي وإيطالي، بتبقى مش تبقى 65 ميكرون بالضبط، ممكن تبقى 70 ميكرون، ممكن تبقى 68 ميكرون، ممكن تبقى 75، يعني من 65 وإنت طالع لغاية 75 كده

العميل : طيب مافيش مشكلة يا هندسة، طب إيه الأسعار بالضبط؟ وكلمة استوك على ما أعتقد، أنا ما أعرفش عندنا هنا ستوك يعني حاجة في داميج، فيها وكأنها يوسد حاجة خفيفة، ده بالنسبة لهنا في السعودية، أنا ما أعرفش الستوك عندكم في مصر هيكون وضعه إيه الضبط؟

العميل : الطن بكام لو تكرمت، ممكن بعد إذن حضرتك؟

المهندس منسي :  هي كلمة ستوك ديت ما أعرفش لأن أنا كنت عايش في ألمانيا فواخدها من ألمانيا، فما أعرفش هنا أساساً بسيموها إيه؟؟ ولكن كلمة ستوك يعني مخزون، مخزون إزاي؟؟؟ يعني أنا معايا دلوقتي بضاعة في مخازني متخزنة، وبقولك مثلاً باي أور ستوك، يعني نحن نريد بيع المخزون بتاعنا، فهي كلمة دارجة في لساني بقولها، إنما هي دي بنجابها من ألمانيا ومن هولندا، وحاجة يعني واخده شهادات الـ إف بي إيه وحاجة فلة فلة، مافيهاش قصدير، والكيلو بيفرد معاك أكتر من الصيني لأن الصيني بيبقى فيه نسبة قصدير، اللي هو اسمه قصدير، لأن السعوديين بيسموا الألومنيا قصدير، لا القصدير حاجة تانية خالص غير الألومنيا، ولكن همه بيسموا الأومنيا قصير، القصدير دوت معدن تاني الوزن النوعي بتاعه أعلى من الألومنيا، فخامة ألومنيا نظيفة قوي قوي يعني، حاجة راقية قوي ترفع راسك يعني، و هيبقى في حدود 65 جنيه مصري

العميل : ماشي يا هندسة، أنا أعرف إن كلمة ستوك أعرف إن هي مخزون، يعني أنا من ناحية الإنجليزي الحمد لله، أعرف إنها مخزون بإذن الله مافيش مشكلة، بس همه هنا مش فاهمينها إنجليزي، فكلمة ستوك هنا يعني الحاجة البايظة، حاجة بدون كرتونة، كده يعني، لما أقولك ثلاجة ستوك يعني ثلاجة من غير كرتونة، مخبوطة خبطة وهي جايه في الطريق لهنا، ده معنى ستوك هنا، فخلاص مافيش مشكلة وصلتني المعلومة، يعني حضرتك الكيلو بـ65 جنيه، طب هو أنا ما أعرفش هو شكله إزاي عند حضرتك، إحنا بنستخدم رول، يعني هو بيجيلنا رول بالشكل ده، فهل هو موجود رول عند حضرتك؟ ولو تكرمت لو في صورة ليه يبقى كتر ألف خيرك، وأنا هتواصل معاه، أقابل الكفيل النهاردة بالليل لو كده نحجز له وننزله على مصر عند حضرتك ونشوف الدنيا فيها إيه، ونرتب مع بعض إن شاء الله رب العالمين، مافيش مشكلة بإذن الله

المهندس منسي : آه هو نظام رول آه، موجود عندنا نظام رولات