خامات بي في سي لتغليف انبوبه البوتجاز مقدمة من شركة المهندس منسي
خامات بي في سي لتغليف انبوبه البوتجاز مقدمة من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : معاك المهندس إبراهيم مسعود مركز تكنولوجيا البلاستيك من إسكندرية
المهندس منسي : تكنولوجيا إيه؟؟
العميل : البلاستيك
المهندس منسي : آه أهلاً وسهلاً
العميل : أهلاً بيك مين معايا؟
المهندس منسي : المهندس منسي معاك
العميل : أهلاً بيك يا باش مهندس في لينا عميل من الأردن طالب بي في سي شرينك بتاع أنبوبة البوتاجاز، هل ده متاح عندكم؟
المهندس منسي : إن شاء الله
العميل : طيب تمام، طب أبعتلك الصور عشان همه طالبين مواصفة معينة
المهندس منسي : مافيش مشكلة
العميل : طيب في إمكانية يعني إن شاء الله؟
المهندس منسي : إن شاء الله
العميل : طيب خلاص ماشي، أديله تليفونك يكلمك
المهندس منسي : مافيش مشكلة ماشي هوه المواصفة… ابعتلي المواصفة برده بالمرة، السكنس، والطول، والعرض
العميل : أيوه
المهندس منسي : كل حاجة من الحاجات دي
العميل : هوه عايز عليها طبة ألومنيوم فويل، فوق منها، يعني بعد الكيس قطعة البلاستيك لما تتحط على الأنبوبة يتعملها شرينك يتحطلها طبة ألومنيا والمفروض تلحم معاه مش كده؟
المهندس منسي : عادي تحت الأمر
العميل : طيب تمام.. تمام.. خلاص حلو زي الفل
المهندس منسي : خلاص ماشي إنتم فين في إسكندرية؟
العميل : إحنا مركز التكنولوجيا في الساعة في فكتوريا
المهندس منسي : آه.. آه.. في ميدان الساعة أصل عندنا مصنع جنبكم هناك في برج العرب
العميل : مصنع تبع الشركة بتاعت حضرتك
المهندس منسي : آه
العميل : طيب كويس
المهندس منسي : آه
العميل : يعني بتعمل الـ بي في سي شرينك ده عندك في برج العرب
المهندس منسي : لا في القاهرة
العميل : طيب ماشي أوكيه، تمام… يعني حضرتك عملت الشغلانة دي قبل كده؟
المهندس منسي : إحنا شركة المهندس منسي
العميل : أيوه أنا عارف
المهندس منسي : يعني اسأل على الشركة بقى وإبقى اعرفها
العميل : نعم؟؟؟
المهندس منسي : اسأل عن الشركة واعرفها
العميل : أنا عارف أنا فاهم، أنا قصدي إنتم عملتم…
المهندس منسي : لا إحنا شركة عالمية، مش شركة مصرية كمان، شركة كبيرة على مستوى العالم
العميل : طيب تمام… زي الفل
المهندس منسي : ما ينفعش نتسأل السؤال ده، طالما قلنالك فيه يبقى خلاص
العميل : لا.. لا.. تمام.. تمام…. هوه عموماً هي دي توريدات لشركة البترول الأردنية اللي همه بيوردوا أنابيب البوتاجاز على مستوى البلد فهمه كانوا طارحين مناقصة السنة اللي فاتت 48 مليون قطعة، هيبقى تقريباً في الحدود دي
المهندس منسي : إن شاء الله
العميل : خلاص ماشي أوكيه، خلاص شكراً، مع السلامة
