ورق الومنيوم فويل من شركة المهندس منسي
ورق الومنيوم فويل من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | كنت اتصلت بحضرتك إمبارح بسأل على ورق الألومنيوم |
| المهندس منسي | : | آه |
| العميل | : | فحضرتك إن شاء الله متوفر |
| العميل | : | تمام يا فندم، طب لو سمحت أنا كنت عايزه ورق ألومنيوم اللي هو الحراري اللي أنا ممكن أكويه يلصق في العلبة، أنا كنت عايزاه على قطر 10-11 سم |
| المهندس منسي | : | طب ماشي موجود آه |
| العميل | : | موجود كام؟؟ 12 ولا 11؟ |
| المهندس منسي | : | ما هو إحنا مش عارفين الستوك أد إيه؟؟ بس الكمية نفسها بتاعتك قليلة |
| العميل | : | والله لسه المنتج صغير يعني أنا حتى لسه بعمله في البيت…. |
| المهندس منسي | : | يا سيتي أنا على راسي كل اللي بتقوليه، ولكن الرولز بتاعتنا بتقول على الأقل خالص 10 آلاف |
| العميل | : | يعني أنا بستأذنك أنا مش مصنع، فاهمني حضرتك، أنا بستأذنك |
| المهندس منسي | : | طب أنا هبعت لك تليفون المبيعات لو فيه في الستوك بضاعة حاضرة عادي مافيش مشكلة |
| العميل | : | ماشي شكراً جزاك الله خير، لو سمحت هو المساحة أد إيه عشان الغطا كبير شويه اللي هوه مثلاً 12 سم بحيث إن الألومنيا تبقى نازلة على الغطا نفسه فاهمني حضرتك إزاي |
| المهندس منسي | : | يستحسن لو بعتي عبوة ناخد المقاس عليها مضبوط |
| العميل | : | أبعتها |
| المهندس منسي | : | لا حضرتك شرفينا بيها أو تبعتيها؟ |
| العميل | : | أصل أنا من إسكندرية |
| المهندس منسي | : | ابعتيها بالبوستة، بالبريد |
| العميل | : | طب لو سمحت ممكن تقولي العنوان بالتفصيل إيه؟ أو ممكن حاجة تانية، مش حضرتك عندكم مقاسات، ممكن أنا أطلب المقاس وأنا مسئولة عنها |
| المهندس منسي | : | مافيش مشكلة عادي، هبعت تليفون المبيعات بقى تتابعي معاهم |
| العميل | : | طب ماشي يا فندم |
| المهندس منسي | : | هبعتهولك في رسالة حالاً |
| العميل | : | شكراً يا فندم، مع السلامة |
