طبات مختلفة من شركة المهندس منسي
طبات مختلفة من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | بسال علي الطبة اللي بتغطي البرطمان |
| المهندس منسي | : | آه.. |
| العميل | : | كنت عايز أسأل حضرتك سعر الكيلو بتاعها عامل كام؟ |
| المهندس منسي | : | ما هو سعر الكيلو الكمية إيه؟ والسكنس إيه؟ والنوعة إيه؟ لازم حضرتك تيجي تشرفنا بالزيارة، فالحاجات دي لما تكون لايف على الطبيعة بتكون أفضل |
| العميل | : | طب أي كمية ممكن أطلبها، يعني مثلاً لو طلبت كيلو فرضاً، أو 10 كيلو، أو ألف كيلو؟ |
| المهندس منسي | : | ما همه هيورولك عينات، فلو هي موجودة أوردي في الستوك هنأخرها عنك ليه، لو موجودة في المخزون هنديها لك، ولكن ما تقلقش، إحنا عندنا ستوك كبير يعني |
| العميل | : | طيب أجيلك 6 أكتوبر ضروري ولا أنزل باب الشعرية |
| المهندس منسي | : | براحتك إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، واللي ماسك غمرة والعبور سوريين |
| العميل | : | بس أنا قالولي بتاع العبور قافل |
| المهندس منسي | : | لا قافل إزاي؟؟ ربنا ما يقفلوا، ممكن قافل ظرف استثنائي لأن كان عندهم حاوية شغل بينزلوه، يعني ظرف استثنائي لا يتكرر إلى 4 مرات في السنة بس |
| العميل | : | يعني أنا كلمت نمرة تانية من على النت لشركة المهندس قالولي فرع العبور قافل |
| المهندس منسي | : | لا قافل النهاردة بس ظرف استثنائي، بس هو اللي بيكلمك ماعندوش لغة حوار، هو لغة الحوار بتاعته المفروض يقولك هو قافل النهاردة بس لظرف استثنائي، إنت كلمت رقم كام؟ |
| العميل | : | أرقام كتيرة والله مش حافظهم صراحة |
| المهندس منسي | : | ممكن يكون رقم فرع تاني فيقولك قافل عشان تروح له هو |
| العميل | : | طب يا ريت تديني رقم العبور عشان أروح له |
| المهندس منسي | : | بص بتاع العبور 58، و 59 أكتوبر، و 62 برده أكتوبر |
| العميل | : | تمام… طب لو موجود جنبك تسمح تديهولي الرقم |
| المهندس منسي | : | 01211116958 اسمه منذر أبو يزن |
| العميل | : | طيب ماشي يا باشا، وبلاقي عندهم الحاجة اللي عايزها إن شاء الله |
| المهندس منسي | : | هو سوري برده، مش الأخ سوري برده؟ |
| العميل | : | آه أنا سوري آه |
| المهندس منسي | : | أنا عرفتك من كلمة مرطمان |
| العميل | : | صح، أنا عرفتك إنك مصري من غير ما تقول شفت إزاي |
| المهندس منسي | : | إحنا كلنا أخوات |
| العميل | : | أنا هكلمه أبو يزن إذا عرفت أجتمع فيه |
| المهندس منسي | : | هو أبو يزن مدير إقليمي، ماسك العبور، وحدائق القبة، وغمرة، كلمه بقى وتابع معاه |
| العميل | : | أقوله إنت بعتيني لعنده ولا حاجة |
| المهندس منسي | : | عادي أنا مؤسس الشركة، أنا المهندس منسي |
| العميل | : | تمام.. إنت بشحمه وبلحمه |
| المهندس منسي | : | إيه والله |
| العميل | : | على راسي باش مهندس |
| المهندس منسي | : | حبيبي الغالي |
| العميل | : | تعالى شرفنا بالعبور هنا، عنا مطعم هنا، وعنا محل ألبسة، وعنا محل عطور |
| المهندس منسي | : | تسلم يا غالي ما أتحرمش منك أبداً |
| العميل | : | على راسي، شكراً |
| المهندس منسي | : | مع السلامة |
