بكر بولي إيثيلين مقدم من شركة المهندس منسي

بكر بولي إيثيلين مقدم من شركة المهندس منسي

العميل : السلام عليكم

المهندس منسي : عليكم السلام

العميل : لو سمحت كنت بسأل عن بكر بولي إيثيلين إيطالي متوفر وسعره كام للكيلو لأني عايز كمية كبيرة لمصانع الزجاج مع العلم أنا عايز البكر أبيض

أرجوا الرد في أسرع وقت

المهندس منسي : رولات البولي إيثيللين أنواعها كثيرة هو حضرتك هاتستخدمه في تغليف الشرنك ولا إيه

العميل : أنا هقطعه بكر واحد بوصة وهستخدمه في زخرفة الزجاج هحدد بيه وهدهن منطقة معينة على الزجاج واللزق ده هلزق المنطقة اللي مش هتندهن البولي إيثيلين اللي أنا عايزه بيبقى رقيق جداً وصمغه خفيف مش ثقيل

المهندس منسي : هي الكمية اللي حضرتك عايزها أد إيه؟

العميل : حضرتك أنا عايز أشوف بس العينة وعشان حضرتك عندنا بيتباع بالكيلو، وإن شاء الله لو لقيت مناسب هاخد منك كميات كبيرة

المهندس منسي : آه.. يعني حضرتك عايز مبدئياً مثلاً الكمية أد إيه؟؟ ما هو لازم أعرف الكمية اللي حضرتك هتطلبها أد إيه

العميل : لو مناسب ليا مبدئياً كده هاخد نص طن

المهندس منسي : هو عموماً البضاعة موجودة بضاعة حاضرة حضرتك شرفنا بالزيارة اتفرج عليها

العميل : يا ريت بس أعرف سعر الكيلو عشان أعرف هيبقى مناسب عندي في السوق ولا لا لأنه لو مناسب هاخد كمية كبيرة لأني بتعامل مع مصانع هنا ولو مناسب هاجي وأشوف لأني هاجي من سفر

المهندس منسي : هو الطن هيبقى في حدود ، 2، 2، في الحدود دي، بس هو في حاجة، أنا دلوقتي محتار هل إنت عايز دلوقتي البولي إيثيلين، ولا عايز البولي إيثيلين واخد طبقة اللصق، لأنه عادي لو عايزه واخد طبقة اللصق عندنا المكنة اللي بتدي طبقة اللصق، يعني عندنا أوردي مصنع بيدي طبقة اللصق عشان يبقى بيلصق كده زي اللصق الخفيف ده

العميل : طب خلاص إن شاء الله هو أنا بسأل حضرتك لو في إمكانية مثلاً الأول حضرتك مثلاً يوم جمعة مقابلة شخصية، عشان بس ظروف شغلنا وكده، لو ما أمكنش خلاص هحاول أتصرف في يوم أجازة وآجي لحضرتك بس كنت عايز أعرف العنوان ومواعيد العمل والأيام اللي فيها العمل، وهاجيب لحضرتك العينة اللي أنا عايز درجة الصمغية بتاعتها، وإن شاء الله يبقى التعامل مع بينا على خير إن شاء الله، شكراً لحضرتك

المهندس منسي : هو إحنا موجودين طول أيام الأسبوع من 11-9، والأجازة الأسبوعية عندنا صدقني هي الوحيدة يوم الجمعة، فمعلش أنا بعتذر عن يوم الجمعة دوت، تيجي تنورنا في أي وقت وفي أي مكان ومن العين دي قبل العين دي

اتصل بنا في الفروع التي تناسبك/ ماكينات تعبئة وتغليف

http://m2pack.me/%D8%A7%D8%AA%D8%B5%D9%84-%D8%A8%D9%86%D8%A7/

الرابط ده هتلاقي فيه العناوين بتاعتنا كلها اختار العنوان اللي يكون مناسب لحضرتك