الومنيوم فويل سوفت لتغليف شرائط الادويه من شركة المهندس منسي
الومنيوم فويل سوفت لتغليف شرائط الادويه من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : إم تو باك
المهندس منسي : أيوه
العميل : لو سمحت كنت عايزه أكلم حد في المبيعات
المهندس منسي : خير
العميل : كنت عايزه أسأل على ألمونيوم فويل الخاص بمستحضرات الدوائية
المهندس منسي : آه.. موجودة
العميل : طب هوه بيتباع بالكيلو صح كده
المهندس منسي : بيتباع بالكيلو آه، بس نشوف الأبليكشن اللي إنتي عايزه عليها، يعني التطبيق اللي هتطبقي عليه
العميل : يعني إيه التطبيق حضرتك؟
المهندس منسي : يعني إنتي عايزه أنهي ألومنيا، ألومنيا هتعمليها أكياس، ألومنيا هتعمليها على شرايط البرشام، ألومنيا…
العميل : لا.. لا.. على شرايط تابلتس
المهندس منسي : آه.. آه… ماشي عايزها هارد ولا سوفت؟
العميل : لأ لسه الحقيقة إحنا دلوقتي بنعمل دراسة، فكنت عايزه أعرف الفرق بين الهارد والسوفت
المهندس منسي : لا ده في هارد، وفي سوفت، وفي سكنس، وفي هوت سيلنج لاكر فور، وفي بي في سي… ولا هوت سلينج لاكر فور بي بي، ولا… لازم آخد تفاصيل كاملة
العميل : لأ هوه عارف حضرتك ورقة التابلتس العادية دي زي البرشام اللي هي بتبقى ألومنيوم فويل محطوط عليها مكتوب عليها اسم المستحضر والشركة وكده يعني مش أكتر، اللي هوه الهارد
المهندس منسي : آه ما هوه اللي حضرتك التابلت اللي إنتي شايفها دي إنتي شايفها بلاستيك
العميل : لأ ألومنيوم فويل
المهندس منسي : يا سيتي افهميني، إنتي بتتكلمي ألومنيوم فويل على طبقة بلاستيك، البلاستيك اللي محطوط فيها التابلت
العميل : أيوه
المهندس منسي : أيوه البلاستيك اللي محطوط فيه التابلت ده إنتي شايفاه اسمه بلاستيك شفاف وخلاص
العميل : آه
المهندس منسي : لأ ده هوه بالنسبة إحنا بلاستيك شفاف بي في سي، ولا بي إي تي، ولا بي بي، ولا بولي استيرين… ولا نوعه إيه بالضبط؟؟؟
العميل : لا بي في سي حضرتك
المهندس منسي : آه.. آه… طب الميكرون أد إيه؟ السكنس، الميكرون؟
العميل : إنت عندك سكنس أد إيه بالنسبة للـ بي في سي
المهندس منسي : بي في سي.. سي… بولي فينيل كلوريد
العميل : أيوه يا فندم الـ بي في سي اللي عند حضرتك…
المهندس منسي : في سماكات مختلفة: في 25، 35، 30، 28، 40 ، 50 ، 45، 48… ده بيتحدد بناء…. هوه إنتم شركة جديدة لسه ولا إيه؟
العميل : آه بالضبط كده لسه بنعمل المستحضر بتاعنا تمام… طب هوه الـ 250 ميكرون حضرتك بي في سي الكيلو بكام حضرتك
المهندس منسي : بصي يا ستي، الـ بي في سي
العميل : أيوه
المهندس منسي : ده هوه مادة البلاستيك والألومنيوم فويل هي دي الألمونيوم فويل هوت سينج لاكر اللي هتلحم على الـ بي في سي
العميل : تمام
المهندس منسي : لما نيجي نتكلم بي في سي 250 ميكرون الشابو، في حاجة اسمها شابو ده مثلاً النهاردة يعمله في حدود حوالي
العميل : مافيش مصري؟
المهندس منسي : لأ أنا بسمي بس بالدولار إنما باخد بالجنيه المصري، عشان خاطر تقلبات الأسعار بس
العميل : طب الشابو ده كام كيلو، ولا الواحدة أد إيه ده؟
المهندس منسي : لأ ده كلمة شابو ديت يعني شفافية عالية صالح للتعامل مع مواد التغذية والمواد الصيدلانية
العميل : آه يعني الكيلو بـ
المهندس منسي : آه…
العميل : أوكيه طب ولو سألنا على الهارد اللي هوه 156 مللي
المهندس منسي : ده بيبقى بالمتر بقى، المتر بتاعه بنقول مثلاً هي المكنة بتاعت حضرتك عرضها كام؟
العميل : أوكيه هسألك عرض المكنة كام؟
المهندس منسي : تمام…ولا إنتم ما جبتوش المكنة
العميل : لا.. إحنا بنصنع لدى الغير فما أعرفش هسألك لسه عرض المكنة كام، بس هل تقدر تديني فكرة بس عن
المهندس منسي : بصي طالما بتصنعي لدى الغير، الغير عمره ما يقبل بإنك تجيبيله الخامة، صدقيني أنا أصل الحاجات دي مرينا بيها كتير، هوه طالما بتصنعي لدى الغير، الغير ده بقيتي إنتي معلش أنا آسف بقيتي إنتي موزع عنده
فهنا أصل أنا المكنة بتاعتي ما بشتغلشي… لا أصل مكنتي ومصنعي… ومكنتي… ويقعد يعملك كده وفي الآخر إنتي هتضطري ترضخي لشروطه
العميل : آه…
المهندس منسي : واخده بالك إلا إذا بقى حابيتي تعملي مصنع أنا أعملهولك من الإيه تو زد
العميل : الله يكرمك، طب أتشرف باسم حضرتك؟
المهندس منسي : يا ست الكل إنتي معاك المهندس منسي خبير عالمي
العميل : أهلاً وسهلاً
المهندس منسي : الحمد لله إحنا ماركة عالمية على مستوى العالم
العميل : الله يكرمك
المهندس منسي : فهوه النهاردة إحنا لينا فرع بيبيع مكن في قلب الصين، اكتبي كده على النت كده المهندس منسي في الصين الدولي واتفرجي على الفيديوهات بتاعتنا، إحنا كنا في الصينيين
العميل : المهندس منسي إيه حضرتك؟
المهندس منسي : اكتبي المهندس منسي في الصين الدولي
العميل : أوكيه
المهندس منسي : آه اتفرجي إحنا كنا بتنافس في الصينيين، فتخيلي إنك تنافسي في اللي المفروض يبقى سورس، لأنه إحنا سورس هناك، أنا مش هقولك عندي مصنع هناك، لأ إحنا بنصنع قطع الغيار في أماكن وبنجمعها هناك، وعندنا معرض بيبيع مكن في قلب الصين
العميل : ما شاء الله
المهندس منسي : النهاردة لما نروح نعرض في إيطاليا، وفي ألمانيا وفي الحاجات دي ما همه الطلاينة والألمان بيروحوا ياخدوا من عندنا من الصين
العميل : آه.. بالضبط كده
المهندس منسي : فهي النهاردة بيبقى بنضحك على بعضنا يبقى عايزين نتمنظر، إحنا مش عايزين نتمنظر إحنا عايزين الفايدة
العميل : صح… طب حضرتك تقدر تديني فكرة عن عشان هوه لو قالي حاجة أبقى فاهمه يعني؟
المهندس منسي : حسب عرض المكنة، حسب الكمية المطلوبة من حضرتك
المهندس منسي : لا لو قلنا بالكيلو، واخده بالك، النهاردة بنتكلم في إيه؟؟ حسب عرض المكنة، حسب الكمية المطلوبة منك، يعني مثلاً أبو 100 كيلو مش زي أبو 250 مش زي أبو 500 كيلو مش زي أبو طن،
العميل : أكيد
المهندس منسي : شغل الخامات المرنة غير أي شغل تاني
العميل : تمام يا باش مهندس
المهندس منسي : يبقى إنتي بتتكلمي النهاردة حسب الطباعة، يعني إنتي هتطبعي روتوجرافيك ولا فلكسوجرافيك، هتقولي إيه الفرق بينهم؟؟؟ هقولك الجودة بتاعت الروتوجرافيك جودة عالية جداً، ودقة عالية جداً
العميل : آه…
المهندس منسي : دقة عالية عالية يعني، النهاردة لو إنتي صيدلانية وعايزه تعرفي الحاجة دي هتروحي ماسكة عدسة وبصة فيها هتعرفي في ثانية الحاجة دي مطبوعة إزاي، واخده بالك فالنهاردة التكنولوجيا فيها عالية قوي قوي يعني
العميل : أوكيه يا باش مهندس
المهندس منسي : ما هو إنتي طول ما إنتي بتصنعي لدى الغير مش هتعرفي تشتري منتج من بره لما تيجي تعملي مصنعك إن شاء الله تيجي تشرفيني وأنا تحت أمرك
العميل : أوكيه مرسي جداً يا باش مهندس ألف شكراً
المهندس منسي : العفو يا ست الكل
العميل : مع السلامة
